Մեկ տարում բենզինի և դիզելային վառելիքի գներն աճել են 5.4% և 36.2%-ով

Այս տարվա սեպտեմբերին նախորդ տարվա համեմատ ոչ պարենային ապրանքների շուկայում արձանագրվել է 8.1%, իսկ 2022թ. օգոստոսի համեմատ՝ 0.6% գնաճ: Վիճակագրական կոմիտեի տվյալները վկայում են, որ հանրապետության դիտարկվող բոլոր քաղաքներում սեպտեմբերին օգոստոսի համեմատ գրանցվել է ոչ պարենային ապրանքների 0.2-1.0% գնաճ, այդ թվում, գնաճի համեմատաբար բարձր ցուցանիշն արձանագրվել է Վաղարշապատում: Մայրաքաղաքում ոչ պարենային ապրանքների գներն աճել են 0.7%-ով: Ու նաև սեպտեմբերին օգոստոսի համեմատ հանրապետությունում արձանագրվել է բենզինի և դիզելային վառելիքի՝ համապատասխանաբար 0.2% և 0.6% գնի անկում: Իսկ նախորդ տարվա սեպտեմբերի համեմատ բենզինի և դիզելային վառելիքի գներն աճել են 5.4% և 36.2%-ով: