ԱՄՆ կարգավորիչը երրորդ անգամ բարձրացրել է հիմնական տոկոսադրույքը

ԱՄՆ կարգավորիչը երրորդ անգամ անընդմեջ բարձրացրել է հիմնական դրույքի միջակայքը 0,75 տոկոսով:Ըստ Bloomberg գործակալության, սա դրամավարկային քաղաքականության ամենաագրեսիվ խստացումն է 1980-ականներից ի վեր: Մինչեւ 2022 թվականի մարտը դրույքը երկու տարվա ընթացքում գտնվում էր 0-0,25% միջակայքում, որից հետո կարգավորիչը սկսեց խստացնել իր քաղաքականությունը արագացված գնաճի դեմ պայքարի նպատակով։ Գնաճը շարունակում է բարձր մնալ, քանի որ դրա, նաեւ համաշխարհային տնտեսական ակտիվության վրա լրացուցիչ ճնշում են գործադրում Ուկրաինայում Ռուսաստանի հատուկ գործողությունը եւ դրա հետ կապված իրադարձությունները: Կարգավորիչը հավելել է նաեւ, որ տեղին է համարում տոկոսադրույքի հետագա բարձրացումը։ ըստ ԱՄՆ Դաշնային պահուստային համակարգի, այս տարվա վերջում դրույքները կհասնեն 4,4%-ի, իսկ 2023 թվականին՝ 4,6%-ի։