Հայաստանի բանկային համակարգը թվերով. 2022թ. հունվար-սեպտեմբերին ՀՀ բանկերի ընդհանուր կապիտալն աճել է 30%-ով Հայաստանի բանկերի միությունը յուրաքանչյուր եռամսյակ ներկայացնում է Հայաստանի բանկային համակարգը թվերով նոր հրապարակումը, որտեղ ներառված են բանկային համակարգի հիմնական ցուցանիշները։ Այսպիսով, սեպտեմբերի վերջի դրությամբ բանկերի կապիտալը կազմել է 1.2 տրլն դրամ, իսկ ակտիվները՝ 7.7 տրլն դրամ։ Այս տարվա 9 ամիսների ընթացքում բանկերի ընդհանուր կապիտալն ավելացել է մոտ 279 մլրդ դրամով կամ 30%-ով, իսկ երրորդ եռամսյակի ընթացքում աճել է 66 մլրդ դրամով կամ 5.8%-ով։ Միևնույն ժամանակ, բանկերի կանոնադրական կապիտալը 2022թ. սկզբից աճել է 136 մլրդ դրամով կամ 24.2%-ով, իսկ երրորդ եռամսյակի ընթացքում արձանագրվել է աճ 5 մլրդ դրամով կամ 0.7%-ով։