Գլոբալ դժգոհության ձմեռը մոտ է. ՄԱԿ գլխավոր քարտուղար Գլոբալ դժգոհության ձմեռը սարերի հետեւում չէ: հայտարարել է ՄԱԿ գլխավոր քարտուղարը: Անտոնիո Գուտերեշը նշել է, որ վստահությունը փլուզվում է, անհավասարությունը պայթում է, մոլորակն այրվում է: Մարդիկ տառապում են, ընդ որում՝ ամենախոցելիները ամենաշատն են տառապում: Համաշխարհային ջերմաստիճանի բարձրացման եւ այն պայմաններում, երբ Միացյալ Թագավորության չափ Պակիստանի մի հատված վերջերս ջրի տակ է անցել, Գուտերեշը քննադատել է հանածո վառելիքով աշխատող ընկերություններին: Նա բոլոր զարգացած տնտեսություններին կոչ է արել հարկեր սահմանել հանածո վառելիքից ստացվող շահույթի համար եւ միջոցներն ուղղել ինչպես կլիմայի փոփոխության վնասը փոխհատուցելու, այնպես էլ բարձր գների դեմ պայքարող մարդկանց օգնելու համար: