Երաշտի պատճառած գլոբալ վնասը տարվա առաջին կեսին հասել է 13,2 մլրդ դոլարի Շատ երկրներում երաշտի պատճառած գլոբալ վնասը հունվար-հունիսին կազմել է 13,2 մլրդ դոլար։ Փորձագետների կարծիքով՝ Եվրամիության երկրներն այժմ վերջին 500 տարվա մեջ ամենաուժեղ երաշտն են ապրում։ Այն մոլեգնում է նաեւ ԱՄՆ արեւմուտքում, Պակիստանում եւ Չինաստանում։ Չինաստանում գետերի ծանծաղելու պատճառով էլեկտրաէներգիայի արտադրությունը մի քանի հէկում նվազել է մոտ 40 տոկոսով, նշել է թերթը։ Սիչուանի նահանգում դրա պատճառով, ժամանակավորապես կանգնեցվել է Toyota Motor կորպորացիայի հավաքման գործարանը։