Ռուս-բելառուսական մաքսային կենտրոնը կսկսի գործել այս տարի Ռուս-բելառուսական միջպետական -մաքսային կենտրոնը կսկսի գործել այս տարի: Հայտարարել է Բելառուսի պետական -մաքսային կոմիտեի նախագահ Վլադիմիր Օրլովսկին: Բելառուսը և Ռուսաստանը սկսել են միութենական ծրագիր իրականացնել հարկային և մաքսային ոլորտներում: Պատրաստվել են նաև մի քանի տասնյակ կանոնակարգեր, որոնց մեծ մասն արդեն ստորագրվել է: Ռուսաստանի Դաշնային մաքսային ծառայության ղեկավար Վլադիմիր Բուլավինն իր հերթին ընդգծել է, որ այս կենտրոնի աշխատանքը կօգնի արագացնել բոլոր մաքսային ընթացակարգերը: Կենտրոնը զբաղվելու է մաքսային ռիսկերի կառավարմամբ, վերլուծական աշխատանքով և մաքսային գործառնությունների մոնիտորինգով: