Հաջորդ տարի Եվրոպայի էներգետիկ ճգնաժամը շատ ավելի կվատթարանա

Թեեւ այս ձմռանը Եվրոպայում պետք է բավարար գազ լինի՝ էլեկտրամատակարարման եւ ջեռուցման համար, ամենամեծ մարտահրավերը կառաջանա 2023 թվականին, երբ մատակարարումները վերջանան: հայտարարել է Կատարի էներգետիկայի նախարարը: Հաջորդ տարի շատ ավելի վատ կլինի, եթե դաժան ձմեռ լինի, ասել է նա՝ նշելով, որ էներգետիկ ճգնաժամը կարող է տեւել մինչեւ տասնամյակի կեսը, եթե Ուկրաինայում պատերազմը շարունակվի, եւ գազը չսկսի հոսել։ Եվրոպական մի քանի երկիր բանակցություն են վարել Կատարի հետ, որը հեղուկ բնական գազի աշխարհի խոշորագույն արտահանողն է: Սակայն Ալ-Քաաբին զգուշացրել է, որ չի կարող պատկերացնել այնպիսի ապագա, որում ռուսական գազն ընդհանրապես չի հասնի Եվրոպա: