Անցնող շաբաթվա այլ կարևոր իրադարձությունները ֆինանսական շուկաների համար ԱՄՆ Դաշնային պահուստային համակարգը նվազեցրել է վերաֆինանսավորման տոկոսադրույքը 25 բազիսային կետով՝ սահմանելով 4.25-4.50%: ԴՊՀ-ն սեպտեմբեր ամսից ի վեր տոկոսադրույքը նվազեցրել է 1 տոկոսային կետով։ Ռուսաստանի կենտրոնական բանկը վերաֆինանսավորման տոկոսադրույքը պահպանել է 21%-ի մակարդակում: Որոշումն անսպասելի էր վերլուծաբանների համար, քանի որ կանխատվեսում էր տոկոսադրույքի բարձրացում մինչև 23% և ավելի։ Նոյեմբերին ԱՄՆ-ում սպառողական ծախսերն աճել են 0.4%-ով՝ պայմանավորված տարբեր ապրանքների և ծառայությունների նկատմամբ մեծ պահանջարկով։ Անձնական սպառման ծախսերի գնաճի տեմպն աճել է 0.1%-ով՝ գրանցելով վերջին 6 ամիսների նվազագույն աճը։ Անգլիայի բանկն անփոփոխ է թողել վերաֆինանսավորման տոկոսադրույքը՝ սահմանելով 4.75%: Բանկի դրամավարկային քաղաքականության կոմիտեի ինը անդամներից միայն երեքն են կողմ քվեարկել տոկոսադրույքը 25 բազիսային կետով նվազեցնելու որոշմանը։ ԱՄՆ հիփոթեքային վարկերի տոկոսադրույքները երեք շաբաթ անընդմեջ անկումից հետո աճել են և հավանաբար կշարունակեն աճել՝ պայմանավորված Դաշնային պահուստային համակարգի կողմից 2025թ.-ին տոկոսադրույքների ավելի քիչ կրճատումների կանխատեսմամբ։ 30 տարեկան հիփոթեքային վարկերի տոկոսադրույքը հասել է 6.72%-ի՝ նախորդ շաբաթած գրանցված 6.60%-ից հետո։ finarm.am