Ռուսաստանում կձեւակերպեն հիպոտեկ ՝ գործածելով կենսաչափական տվյալները

Ռուսաստանի անշարժ գույքի ոլորտում գործող Դոմ,ՌՖ Զարգացման ինստիտուտը ներդնում է Միասնական կենսաչափական համակարգի միջոցով հիպոտեկ ստանալու հնարավորությունը: Հարցման համաձայն՝ հիպոտեկային վարկ ձեւակերպած վարկառուների ավելի քան 60%-ը դրական է վերաբերվում առցանց վարկի ձեւակերպման հնարավորությանը։ Կենսաչափական եղանակով հիպոտեկ ձեւակերպելու հնարավորության ներդնումը այդ գործարքը կդարձնի անվտանգ, կնվազեցնի հայտի ներկայացման համար պահանջվող ժամանակը եւ կբարձրացնի ծառայությունը ստանալու հարմարավետությունը։ Ծառայությունից օգտվելու համար քաղաքացուն բավական կլինի ստուգում անցնել Միասնական կենսաչափական համակարգում եւ իրավազորվել պետական ծառայությունների պորտալի հաշվի օգնությամբ։