Անցնող շաբաթվա այլ կարևոր իրադարձությունները ֆինանսական շուկաների համար

Դաշնային պահուստային համակարգն անփոփոխ է թողել վերաֆինանսավորման տոկոսադրույքը՝ սահմանելով 4.25-4.50%: Կարգավորողները դեռևս հետևում են տնտեսական ցուցանիշներին, քանի որ և՛ գործազրկության մակարդակի, և՛ գնաճի տեմպի աճ է կանխատեսվում։ Անգլիայի բանկն անսպասելիորեն 0.25 տոկոսային կետով նվազեցրել է վերաֆինանսավորման տոկոսադրույքը՝ սահմանելով 4.25%: Ֆունտ ստերլինգի փոխարժեքն աճել է, իսկ երկու տարեկան փոխառության տոկոսադրույքը բարձրացել, քանի որ այժմ հունիսին տոկոսադրուքների հերթական կրճատման հավանականությունը նվազել է։ ԱՄՆ-ում գործազրկության նպաստի առաջնային դիմումների թիվը մայիսի 3-ին ավարտվող շաբաթվա ընթացքում նվազել է 13,000-ով և կազմել 228,000՝ մասամբ փոխհատուցելով դրան նախորդող շաբաթվա ընթացքում ներկայացված դիմումների քանակի աճը։ Համաշխարհային պարտքի մակարդակն այս տարվա առաջին երեք ամիսներին աճել է մոտ 7.5 միլիարդ դոլարով՝ հասնելով ռեկորդային բարձր մահարդակի՝ 324 միլիարդ դոլարի։ Պարտքի աճի մեջ ամենամեծ «ներդրումն են ունեցել» Չինաստանը, Ֆրանսիան և Գերմանիան։ ԱՄՆ-ի և Միացյալ Թագավորության միջև պայմանագիր է կնքվել, համաձայն որի Բրիտանիայից ԱՄՆ պողպատի և ալյումինի ներմուծման սակագինը 25%-ից դարձել է 0%, իսկ այլ ապրանքների սակագինը մնացել է անփոփոխ՝ 10%: Իսկ ԱՄՆ-ից Միացյալ Թագավորություն ապրանքների ներմուծման սակագինը 5.1%-ից դարձել է 1.8%: Համաձայնագրի կնքումից հետո ամերիկյան ֆոնդային ինդեքսները կտրուկ աճ են գրանցել. Dow Jones-ն աճել է 0.62%-ով, S&P 500-ը՝ 0.58%-ով, Nasdaq-ը՝ 1.07%-ով։ finarm.am   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: