Ֆրանսիայում գնաճի բարձր մակարդակը դեռ երկար կպահպանվի․ Բրունո լը Մեր

Ֆրանսիայի ֆինանսների նախարար Բրունո լը Մերը հայտարարել է, որ բարձր գնաճը երկրում դեռ երկար կշարունակվի,- հայտնում է BFM TV-ն։ «Ֆրանսիան այժմ գտնվում է գնաճի ամենաբարձր մակարդակում, որը կարող է տևել շաբաթներ կամ ամիսներ», - ասաց լը Մերը: Վիճակագրության և տնտեսական հետազոտությունների ազգային ինստիտուտը (Insee) հայտնել է, որ մայիսին Ֆրանսիայում գնաճը տարեկան կտրվածքով հասել է 5,2 տոկոսի։ Տարվա ընթացքում ապրանքների գներն աճել են 4,2%-ով, ծառայությունների գները ՝ 3,2%-ով։ Էներգիայի ծախսերը մեկ տարում աճել են 28%-ով։ Ավելի վաղ ամերիկացի վերլուծաբան Քլայվ Քրուկը Bloomberg-ի իր կարծիքի սյունակում ասել էր, որ ուկրաինական իրադարձությունները կարող են հանգեցնել Եվրամիության երկրների քաղաքական և տնտեսական պառակտման։Եվրոպան ծանրաբեռնված է գնաճով, աճող տնտեսական ճնշումներով, եվրոգոտու տնտեսությունների թերի ինտեգրմամբ, խախտված ֆինանսական պայմանավորվածություններով, անփույթ օրենքներով, տարբեր քաղաքական արժեքներով և բնակչության միջև անմիաբանությամբ,- ասել է Քրուքը: