Գերմանիայում գազի սակավության պատճառով կդադարեցվի մի շարք արդյունաբերություններ Էկոնոմիկայի և կլիմայի պաշտպանության նախարար, Գերմանիայի փոխկանցլեր Ռոբերտ Հաբեկը հայտարարել է, որ գազի դեֆիցիտի դեպքում մի շարք արդյունաբերություններ ստիպված կլինեն դադարեցնել աշխատանքը։ «Եթե գազը բավարար չէ, ապա որոշ արդյունաբերություններ, որոնք գազի կարիք ունեն, պետք է փակվեն», - ասել է նա Spiegel-ին տված հարցազրույցում: Նախարարի խոսքով, այս դեպքում շուկայական և տնտեսական բոլոր գործընթացները կդադարեցվեն, և մի շարք ճյուղերի համար դա աղետալի ազդեցություն կունենա։ «Խոսքը երկու օրվա կամ շաբաթվա մասին չէ, այլ երկար ժամանակի։ Խոսքն այն մարդկանց մասին է, ովքեր հետո կդառնան գործազուրկ, շրջանների մասին, որոնք կկորցնեն ամբողջ արդյունաբերական համալիրներ»,- հավելել է քաղաքական գործիչը։Ավելի վաղ Խաբեկը հայտնել էր, որ մտավախություն ունի, որ Ռուսաստանը կարող է դադարեցնել գազի մատակարարումները Գերմանիա «Հյուսիսային հոսք» գազատարի հերթական ստուգումից հետո։ Գերմանական կառավարության նախօրեին արտակարգ իրավիճակների ծրագրում պատրաստվածության երեք մակարդակներից երկրորդը բարձրացվել է էներգետիկ անվտանգության ապահովման համար: