Օրենքի նախագիծ. ՀՀ այցելող զբոսաշրջիկները դժվարություն են ունենում Duty Free-ի խանութներից 300 հազար դրամից ավելի գնում անելիս ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանի հավաստմամբ 2022 թ. հուլիսի 1-ից մեր երկիր այցելող եւ մեկնող զբոսաշրջիկները երբեմն դժվարություններ են ունենում անմաքս առեւտրի խանութներում 300.000 դրամը գերազանցող ապրանքների ձեռք բերման ժամանակ անկանխիկ եղանակով վճարելու պարտադիր պահանջի ապահովման հետ կապված: ԱԺ պատգամավորն Անկանխիկ գործառնությունների մասին օրենքի լրացումով առաջարկում է օրենքի գործողությունը չտարածել Անմաքս առեւտրի ընթացակարգով իրականացվող ապրանքների առեւտրի վրա՝ Հայաստան այցելող զբոսաշրջիկներին հնարավորություն ընձեռելով առանց սահմանափակման կատարել նաեւ կանխիկ վճարում: