ՌԴ-ն մինչև տարեվերջ կավարտի Լարսի անցակետի վերազինումն ու վերակառուցումը, կունենանք 39 անցուղի Ձմռանը եղանակի, ամռանը սեզոնային ծանրաբեռնվածության պատճառով Լարսը տարանցման լուրջ խոչընդոտներ է առաջացնում հայկական ապրանքների համար: Հիմա ռուս-վրացական սահմանի այդ անցակետը վերազինման փուլում է: Նախատեսվում է ապահովել ավելի մեծ թողունակություն ու վերափոխված տերմինալները շահագործել մինչև տարեվերջ: Ճանապարհի վտանգավոր հատվածներն էլ շրջանցելու համար Վրաստանը թունել է կառուցում: Առաջին ավտոմեքենաները ստորգետնյա ճանապարհը կփորձարկեն 2024 թվականին: Ռուսաստանն ու Վրաստանն, իհարկե, իրենց ենթակառուցվածքներն են զարգացնում, բայց դա խիստ կարևոր է նաև մեզ համար. բեռնափոխադրման գնի իջեցմանը զուգահեռ կկրճատվի մատակարարման ժամանակը: