Առաջին կիսամյակում 95 տոկոսով ավելի քիչ օտարերկրյա զբոսաշրջիկներ են այցելել Ռուսաստան

Այս տարվա հունվար-հունիս ամիսներին Ռուսաստան են այցելել 5,85 միլիոն օտարերկրյա քաղաքացիներ. նրանցից զբոսաշրջության նպատակով այցելել է 81,5 հազարը: Պարզվել է, որ օտարերկրացիների ժամանումների ընդհանուր թիվն այս կիսամյակի ընթացքում 15,5 տոկոսով պակաս է, քան 2021 թվականի հունվար-հունիս ամիսներին եւ 61 տոկոսով պակաս, քան 2019 թվականի հունվար-հունիս ամիսներին: Դրա հետ մեկտեղ այս տարվա առաջին եռամսյակում մուտքի տուրիստական հոսքը գրեթե 2,5 անգամ բարձր է, քան ապրիլ-հունիսին: 2022 թվականի առաջին կեսին ամենից հաճախ Ռուսաստան են ժամանել Ուկրաինայի քաղաքացիները: