IKEA-ն աշխատակիցների շրջանում մնացորդային ապրանքների փակ վաճառք կկազմակերպի

IKEA-ն իր աշխատակիցների շրջանում հայտարարել է պահեստից ապրանքների վաճառքի մասին, որը կսկսվի մի քանի օրից։ Այս մասին հաղորդվում է կազմակերպության կայքում։
«Այժմ անմիջապես խանութից գնումներ կատարելու հնարավորությունը ընձեռվում է բացառապես IKEA-ի աշխատակիցներին»,- նշել են մամուլի ծառայությունից։
Նրանք նաև հավելել են, որ IKEA-ի գնման համար նախատեսված ապրանքները մի քանի օրից կլինեն IKEA.ru կայքում։ Խանութներում ապրանքների վաճառք չի նախատեսվում։

Հունիսի 23-ին հոլանդական Ingka Group հոլդինգը, որին պատկանում է IKEA և Mega ցանցը, հույս ունի վերսկսել աշխատանքը Ռուսաստանում, սակայն տեսանելի ապագայում դա հնարավոր չի համարում,- հայտնում է Reuters-ը ՝ հղում անելով հոլդինգի հայտարարությանը։ Նշվում է, որ հայտարարությունն արվել է այն բանից հետո, երբ Ռուսաստանի արդյունաբերության և առևտրի փոխնախարար Վիկտոր Եվտուխովն ասել է, որ IKEA-ն պլաններ ունի վերադառնալ ռուսական շուկա ՝ լոգիստիկայի վերականգնման պայմանով։