Ֆրանսիայի էկոնոմիկայի և ֆինանսների նախարար Բրունո Լը Մերը BFMTV-ին ասել է, որ Եվրամիությունը ծրագրում է առաջիկա շաբաթներին էմբարգո սահմանել ռուսական նավթի ներկրման վրա։
Նրա խոսքով ՝ ստույգ ամսաթիվը դեռ որոշված չէ։ Լը Մերը նաև հավելել է, որ ռուսական նավթի մատակարարումների վրա արգելք սահմանելու ծրագրերը անհանգստության և դիմադրության են հանդիպում Եվրամիության մի շարք երկրներում:
Միաժամանակ, ինչպես հայտնել էինք ավելի վաղ, Ֆրանսիայի նախագահ Էմանուել Մակրոնը իտալական Corriere della Sera թերթին տված հարցազրույցում ասել է, որ ռուսական գազի ներկրման արգելքը դեռ չի քննարկվել։Մակրոնը բազմիցս հանդես է եկել Ռուսաստանի էներգակիրներից Եվրոպայի անկախության օգտին: Ավելի վաղ նա ասել էր, որ Ֆրանսիան, ի տարբերություն այլ եվրոպական երկրների, ռուսական գազի կարիք չունի։
Մեկնաբանություն