Ռուսական Սբերբանկը և Bank Melli Iran-ը պայմանավորվել են բացել 6.5 միլիարդ ռուբլու վարկային գիծ՝ ռուսական առաջին անհրաժեշտության ապրանքներն Իրան ներմուծելու համար։ Այս մասին հայտնում է Իսլամական հանրապետության կենտրոնական բանկը։
Այս քայլն առաջիններից մեկն է Մոսկվայի և Թեհրանի միջև ֆինանսական և բանկային համագործակցության զարգացման ճանապարհին Իրանի և Եվրասիական տնտեսական միության միջև ազատ առևտրի գոտու մասին համաձայնագրի ստորագրումից հետո։
Բացի այդ, Ռուսաստանի Դաշնության և Իրանի Կենտրոնական բանկի ղեկավարներ Էլվիրա Նաբիուլինան և Մոհամմադ Ռեզա Ֆարզինը բանակցություններ են վարել՝ կարևորելով երկու երկրների կենտրոնական բանկերի միջև համագործակցության ընդլայնումը, հարաբերությունների ամրապնդումը պայմանագրի ստորագրումից հետո:
Կողմերը նաև նախանշել են BRICS-ի ներուժը երկու երկրների միջև առևտրային հարաբերությունների ընդլայնման համար օգտագործելու ծրագրերը: Իրանի Կենտրոնական բանկն ընդգծել է, որ Թեհրանի և Մոսկվայի միջև «նոր գլուխ է սկսվել ֆինանսական և բանկային համագործակցության պատմության մեջ»։
