Ռուսական նավթի գնի սահմանաչափը, որը Արևմուտքը սահմանել էր դեկտեմբերի 5-ին պատժամիջոցների շրջանակում, Ռուսաստանի համար կարժենա օրական 160 միլիոն եվրո։ Այս գնահատականը տրամադրվում է Ֆինլանդիայի էներգետիկայի և մաքուր օդի հետազոտական կենտրոնի (CREA) կողմից:
Փետրվարի 5-ից, երբ կսահմանվեն ռուսական նավթամթերքների գնի առավելագույն սահմանաչաթը, այդ ցուցանիշը կաճի մինչև 280 մլն եվրո։ «Նավթի եվրոպական էմբարգոն և նավթի գնի սահմանաչափերը վերջապես ուժի մեջ են, և դրանց ազդեցությունը սպասվածի չափ էական է», — CREA-ի վերլուծաբան Լաուրի Միլիվիրտի խոսքերը մեջբերել է Bloomberg-ը: Ֆին վերլուծաբանները վստահ են, որ Արևմուտքն ունի նավթային եկամուտներն էլ ավելի կրճատելու լծակներ: Նրանք բացատրել են, որ Ռուսաստանը չի գտել կենսունակ այլընտրանք G7 երկրներին պատկանող կամ ապահովագրված նավերին ՝ Բալթյան և Սև ծովի նավահանգիստներից ռուսական նավթամթերքները, ներառյալ հումքը, փոխադրելու համար:
ԵՄ-ին և դաշնակիցներին հասանելի հետագա միջոցները կարող են կրճատել հանածո վառելիքի արտահանումից Ռուսաստանի եկամուտը օրական մոտ 200 միլիոն եվրոյով ՝ փետրվարի 5-ից հետո սպասվող մակարդակի դիմաց:
Մեկնաբանություն