Ամերիկացի ձեռնարկատեր Իլոն Մասկը վաճառել է Tesla-ի 22 մլն բաժնետոմս ՝ 3,6 մլրդ դոլար արժողությամբ,- հայտնում է Reuters-ը՝ հղում անելով ԱՄՆ արժեթղթերի հանձնաժողովի (SEC) տվյալներին։ Գործակալության տվյալներով ՝ Մասկը սկսել է Tesla-ի բաժնետոմսերի վաճառքը երկուշաբթի օրը։ Վաճառքի ժամանակ ընկերության բաժնետոմսերն արժեն 156 դոլարից մինչև 176 դոլար:
Նոյեմբերի 22-ին Bloomberg-ը հայտնել է, որ Իլոն Մասկի կարողությունը 2022 թվականի սկզբից նվազել է ավելի քան 100 միլիարդ դոլարով։ Միայն նոյեմբերի 21-ին նա կորցրեց 8,6 միլիարդ դոլար, ինչը պայմանավորված էր Tesla-ի բաժնետոմսերի ամենաուժեղ անկմամբ ՝ վերջին երկու տարվա ընթացքում: Մինչ այս Մասկը վաճառել էր Tesla-ի 19,5 միլիոն բաժնետոմս ՝ գրեթե 4 միլիարդ դոլար արժողությամբ: Միևնույն ժամանակ, Tesla-ի բաժնետոմսերը հոկտեմբերի վերջից ի վեր, երբ Մասկլը փակեց Twitter-ը գնելու գործարքը, 15,04 տոկոսով անկում ապրեց։Հունիսին Forbes-ը գրել էր, որ Մասկը կորցրել է մոտ 16,9 միլիարդ դոլար, և միևնույն ժամանակ, ավտոարտադրողի բաժնետոմսերն ընկել են 9,2 տոկոսով Tesla-ում անձնակազմի կրճատման մասին նրա հրամանի արտահոսքից ընդամենը մեկ օր անց:
