Երեխա ունեցող ընտանիքների բնակապահովության պետական աջակցության ծրագրերի 280 շահառուի համար կհատկացվի 200 մլն դրամ: Կառավարությունն ընդունել է որոշումը: Հիմնավորման մեջ նշվում է, որ այս տարվասեպտեմբերի 1-ի դրությամբ աջակցություն է ստացել 1669 շահառու, որից 296-ը միանվագ դրամական աջակցության ծրագրով, 464-ը կանխավճարի ապահովագրության ծրագրով 909-ը՝ երեխայի ծննդյան աջակցության ծրագրով: Իսկ հուլիսին ստացվել են աննախադեպ թվով դիմումներ և աջակցություն է ստացել 504 շահառու: Այս տարի ավելացել է նաև մեկից ավելի երեխաների ծնունդով պայմանավորված դիմումներն ու 3-րդ երեխայի ծնունդով պայմանավորված դեպքերը, երբ շահառուի տարիքը չի գերազանցում 30-ը, որոնց դեպքում աջակցության չափը կազմում է մինչև 4 մլն դրամ։ Աննախադեպ շատ են նաև 3-րդ և հաջորդ երեխայի ծննդով պայմանավորված դիմումները, որոնց ընթացքում այս տարի աջակցություն է ստացել 304 շահառու, վճարվել է 602,855,760 դրամ։
