FTX կրիպտոարժույթի սնանկացած բորսան հայտնել է, որ հաքերներն իր հաշվից հանել են 415 մլն դոլար,- հայտնել է CNBC-ն ՝ վկայակոչելով ընկերության իրավաբանների և խորհրդատուների զեկույցը։
Նրանց տվյալներով ՝ 323 մլն դոլար է գողացել FTX.com միջազգային ընկերությունից, եւս 90 մլն դոլար ՝ ամերիկյան ստորաբաժանումից։ Բացի այդ, Alameda Research հեջ-ֆոնդից դուրս է բերվել 2 մլն դոլար: Ենթադրվում է, որ գողությունը կապված է համակարգի կոտրման հետ, որը հետևել է 2022 թվականի նոյեմբերին բորսայի վթարին: Ըստ CNBC-ի՝ FTX-ի իրացվելի ակտիվները կազմում են 5,5 միլիարդ դոլար, ինչը ներառում է FTX-ի հիմնադիր Սեմ Բենքմեն-Ֆրիդի ունեցվածքը Բահամյան կղզիներում, որը գնահատվում է հարյուր միլիոնավոր դոլարներ:
Նոյեմբերի սկզբին FTX-ը Twitter-ում հայտարարեց, որ սնանկության հայց է ներկայացրել, և նրա գործադիր տնօրեն Բենքմեն-Ֆրիդը հրաժարական է տվել: ԱՄՆ արժեթղթերի և բորսաների հանձնաժողովը պարզում է, թե արդյոք գործարարը ներգրավված է եղել այն գործողություններում, որոնք հանգեցրել են իրացվելիության ճգնաժամին։ Գործարարը հերքում է իրեն ուղղված բոլոր մեղադրանքները։
Մեկնաբանություն