ՀՀ վիճակագրական կոմիտեի՝ 2024 թվականի հունվար ամսվա կտրվածքով հիմնական ժողովրդագրական ցուցանիշներն ամփոփվել են շտապ եղանակով, և ստորև ներկայացվում են բնակչության բնական շարժի և ՍԷԿՏ համակարգով ստացված սահմանային գրանցումների վերաբերյալ նախնական տվյալները:
2024 թվականի hունվարին կենսունակության գործակիցը՝ ծնվածների և մահացածների հարաբերակցությունը, կազմել է 120.9%՝ նախորդ տարվա նույն ժամանակաշրջանում արձանագրված 139.5%-ի համեմատ:
Այսինքն՝ ստացվում է, որ նախորդ տարի նույն ժամանակահատվածում ծնելիության մակարդակն ավելի ակտիվ էր, քան այս տարի նույն ժամանակահատվածում։
Նախորդ տարի այս ժամանակահատվածում ծնվել է 3481 մարդ, այս տարի հունվարին՝ 3108, նախորդ տարվա համեմատ՝ 373 մարդով պակաս։
Սակայն նշենք, որ վերջին 4 տարիների հունվար ամիսների ընթացքում ծնելիության բարձր մակարդակը եղել է 2023 թվականի հունվարին՝ 3481 մարդ, իսկ 2022 թվականին՝ 2868 մարդ, 2021 թվականին՝ 2853 մարդ։
2024 թվականի հունվարին ծնվել է 3108 մարդ և մահացել 2571 մարդ:
Այսինքն նույնիսկ 100 հազար արցախցու մուտքը Հայաստան, բազմաթիվ օտարերկրացիներին ՀՀ քաղաքացիության անձնագիր տրամադրելուն զուգահեռ ծնելիության մակարդակի անկում է գրանցվում։ Եվ սա այն դեպքում, երբ օրվա իշխանությունը հայտարարում է, թե ծնելիությանը նպաստող մի շարք նախագծեր է կայնքի կոչում՝ երեխայի ծննդյան միանվագ նպաստաի ավելացում, մինչև 2 տարեկան երեխայի նպաստաի ավելացում, երրորդ և յուրաքանչյուր հաջորդ երեխայի համարավելի բարձր նպաստի սահմանում, գյուղաբնակ և սահմանամերձ բնակավայրերում երեխաներ ունեցողների համար որոշակի արտոնյալ պայմաններ և այլն։
Կարևոր է նաև այն, որ 44 օրյա պատերզմի զոհերի ծնողները կարող են անվճար օգտվել արհեստական բեղմանվորման և փոխնակ մոր ծառայություններից և նրանցից ոմանք, ծրագրից օգտվելով, արդեն երեխաներ ունեցել են։
