ChatGPT-ն այժմ կարող է «տեսնել, լսել եւ խոսել» կամ, առնվազն, հասկանալ ասված բառերը, պատասխանել արհեստական ձայնով եւ մշակել պատկերները, հայտարարել է OpenAI-ը:
Չատբոտի թարմացումը, որը OpenAI-ի ամենամեծն է GPT-4-ի գործարկումից ի վեր, օգտատերերին թույլ է տալիս ձայնային զրույց վարել ChatGPT-ի բջջային հավելվածում։ Հնարավոր է ընտրել արհեստական հինգ տարբեր ձայներից, որոնցով բոտը կպատասխանի հարցումներին: Օգտատերերը նաեւ կկարողանան կիսվել պատկերներով ChatGPT-ի հետ եւ վերլուծել, մշակել դրանք։
Փոփոխությունները վճարող օգտատերերի համար հասանելի կդառնան առաջիկա երկու շաբաթվա ընթացքում: Թեեւ ձայնային գործառույթը կսահմանափակվի iOS եւ Android հավելվածներով, պատկերների մշակման հնարավորությունները հասանելի կլինեն բոլոր հարթակներում:
OpenAI-ն իր հայտարարության մեջ նշել է, որ սինթետիկ ձայները ստեղծվել են ձայնային դերակատարների հետ, որոնց հետ ուղղակիորեն աշխատանք է տարվել։
JavaScript seems to be disabled in your browser. You must have JavaScript enabled in your browser to utilize the functionality of this website.
