Գազայի հիվանդանոցում պայթյունից հետո` նավթի համաշխարհային գինը կտրուկ բարձրացել է

Նավթի գինն աճել է 2%-ով՝ Գազայի հիվանդանոցի հրթիռակոծությունից հետո: Իսրայելի բանակը և ՀԱՄԱՍ-ը մեղադրել են միմյանց հարձակման համար։ Նավթի շուկայի դիտորդները սկսել են անհանգստանալ տարածաշրջանից նավթի մատակարարման խափանման մեծ հավանականության մասին, քանի որ դիվանագիտական լուծման հեռանկարը այդքան էլ իրատեսական չէ այս պահին: «Երկարատեւ օկուպացիան երեւում է որպես սցենար, որը Brent-ի նավթի ֆյուչերսները բարձրացնում է 100 դոլար բարելի դիմաց, - Reuters-ին ասել է Commonwealth Bank of Australia-ի վերլուծաբան Վիվեկ Դհարը: «Ակնհայտ է, որ կոնֆլիկտի ընդլայնումը կբերի ավելի մեծ մատակարարման ռիսկեր մի շուկա, որն արդեն իսկ շատ նեղ է», - Bloomberg-ի հետ զրույցում նշել է հոլանդական ING-ի ապրանքային ռազմավարության ղեկավար Ուորեն Պատերսոնը: «Առաջարկի ամենաանմիջական ռիսկը, հավանաբար, մնում է իրանական բարելի շուրջ»: Bloomberg-ը հիշեցրել է, որ Իրանը այս շաբաթվա սկզբին նախազգուշացրել էր, որ հակամարտության սրումը տարածաշրջանում դառնում է «անխուսափելի»: Մինչդեռ Չինաստանի ՀՆԱ-ի վերջին տվյալները այդ տեսանկյունից հուսադրող են: Երկրի տնտեսությունն աճել է ավելի արագ, քան սպասվում էր երրորդ եռամսյակում՝ գրանցելով տարեկան 4,9% աճ և եռամսյակային 1,3% աճ։