Բրիտանական Anglo-Asian Mining-ը բանակցում է Ադրբեջանի հետ՝ օկուպացված Արցախում Դրմբոնի և Կաշենի հանքավայրերը շահագործելու համար
CME Group-ը՝ աշխարհի խոշորագույն ֆյուչերսային բորսան, նախատեսում է բիթքոյնով ուղղակի առևտուր սկսել
Ոսկու գինը բարձրանում է, մեկ ունիցայի դիմաց վաճառվելով $2383-ից բարձր
Ճապոնական Nikkei 225-ը աճում է 0,54%-ով հասնելով 38730 կետի
Rocket Line թվային ապառիկը՝ արդեն 60 ամսով․ Idram և IDBank
ՀԳՀՄ 3-րդ արտահերթ համագումար. ընտրվեցին կառույցի նոր նախագահն ու խորհրդի անդամները
Մինաս Ավետիսյանի անվան զբոսայգու հարակից տարածքում շների համար նոր զբոսայգի է կառուցվում
Dell կորպորացիան նախատեսում է թողարկել աննախադեպ ինքնավարությամբ նոութբուքեր
MIT-ի ուսանողները, օգտվելով ETH բլոկչեյնի խոցելիությունից, 12 վայրկյանում $25 մլն են գողացել
Դոլարը և ռուբլին նվազել են, ոսկու գինը՝ աճել. ՀՀ ԿԲ, 17.05.24
Օդի ջերմաստիճանը մայիսի 18-ի գիշերը կնվազի ևս 2-3 աստիճանով
Սևանա լճի մակարդակը նախորդ տարվա մայիսի 17-ի համեմատ բարձրացել է 3 սանտիմետրով
ՊԵԿ-ն «Էվրիկա»-ին տուգանել է 10 մլն դրամով
Ակբա բանկը €50 միլիոն կուղղի Հայաստանում ՓՄՁ-ների զարգացմանը
Առևտրային բանկերը 2024թ.-ի մարտի դրությամբ 5,099 մլրդ-ի վարկեր է տրամադրել
Ներդրումային eqwefy ընկերությունը լիցենզիա է ստացել ՀՀ Կենտրոնական բանկի կողմից
Չինաստանում զարգանում է մահացած մարդկանց «AI կլոնների» ստեղծման մշակույթը
Neuralink-ը թաքցրել է ուղեղի իմպլանտների կոնտակտների հետ կապված խնդիրները
4,5 ամսում Հայաստանում թունավորման ավելի քան 1000 դեպք է եղել
TikTok-ը փորձարկում է 60 րոպե տևողությամբ տեսանյութեր, բայց դեռ ոչ բոլորը կարող են վերբեռնել դրանք

Երթևեկության կանոնների խախտման տուգանքը կարող է զեղչվել 20, այնուհետև՝ ևս 30 տոկոսով

Փտր 1, 2024 13:47
151
ADS

Հայաստանում երթևեկության կանոնների խախտման համար տուգանքը կզեղչվի 20 տոկոսով, եթե քաղաքացին ցանկություն հայտնի տուգանքի մասին ծանուցումը ստանալ իր էլեկտրոնային փոստին, այլ ոչ թե թղթային տարբերակով։ Այս պարագայում, օրինակ, 5000 դրամ տուգանքը կդառնա 4000 դրամ:

«Արմենպրես»-ի հաղորդմամբ՝ Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ եւ լրացումներ կատարելու մասին և կից ներկայացված օրենքների նախագծերի փաթեթն ԱԺ պետաիրավական հարցերի հանձնաժողովում ներկայացրեց Ներքին գործերի փոխնախարար Արփինե Սարգսյանը:

Ներկայումս տեսալուսանկարահանման սարքերով արձանագրված ճանապարհային երթևեկության կանոնների խախտումների դեպքում գործում է ծանուցման թղթային եղանակը: Կառավարությունը արդարացված չի համարում թղթային ծանուցումների համար տարեկան շուրջ 1.5 մլրդ դրամի չափով գումար հատկացնելը: Հետևապես, նախատեսել են միջանկյալ լուծում:

«Եթե մեր քաղաքացիները կհանձնեն այնպիսի էլեկտրոնային փոստի հասցե, որի միջոցով ցանկություն կունենան խախտումների ծանուցումները ստանալ, այլ ոչ թղթային ծանուցման եղանակով, այդ դեպքում մենք օրենքի նախագծով նախատեսում ենք 20 տոկոս զեղչ՝  նախնական նշանակված տուգանքի նկատմամբ: Եթե գործ ունենք 5 հազար դրամ տուգանքի հետ, և, եթե անձը տրամադրում է իր էլեկտրոնային փոստի հասցեն, ապա տուգանքի նշանակված չափը դառնում է 4000 հազար դրամ»,-ասաց Սարգսյանը՝ հավելելով, որ ցանկանում են քաղաքացիներին հնարավորինս բերել թվայնացման դաշտ:

Պետությունը արձանագրել է՝ կան չկատարված մի շարք ակտեր, որոնք գտնվում են Հարկադիր կատարման ծառայությունում: Դրանք շուրջ 8 մլրդ դրամի չափով դեռևս չկատարված են: Նկատի ունենալով, որ այս տուգանքների կատարման ապահովումն առաջացնում է նաև սոցիալական լարվածություն, նաև առաջ են գալիս պետության վրա ռեսուրսի ծախսման հետ կապված լրացուցիչ պարտավորություններ՝ պետությունը սահմանում է որոշակի բոնուսային համակարգ քաղաքացիների համար:

«Եթե քաղաքացին 15-օրյա ժամկետում կվճարի սահմանված տուգանքը, ապա նրա համար տուգանքի նկատմամբ կգործի 30 տոկոս զեղչի կանոնը: Այսինքն՝ եթե տուգանքը վճարված լինի 70 տոկոսի չափով, ապա պարտավորությունը համարելու ենք ամբողջությամբ կատարված»,-ասաց փոխնախարարը:

Ընդ որում, էլեկտրոնային տարբերակով խախտման վերաբերյալ որոշումը ստանալիս կարելի է օգտվել և 20 տոկոս զեղչի արտոնությունից և 15-օրյա ժամկետում վճարելու դեպքում 30 տոկոս զեղչի կանոնից: Ի սկզբանե կիրառվում է էլեկտրոնային ծանուցման համար նախատեսված զեղչը, որի հաշվարկի արդյունքում է միայն կիրառվում ևս 30 տոկոսի կանոնը:

Մեկնաբանություն