Լիոնի մերձակա Դեսին քաղաքի Տոբոգան թատրոնի բեմում «Նռան գույնը» պարային ներկայացումն է։ Հենց այս ներկայացումով է Ֆրանսիայում մեկնարկը տրվում Փարաջանովին նվիրված հոբելյանական միջոցառումներին։ Նա իր ծնունդից անգամ 100 տարի անց էլ մարդկանց սովորեցնում է աշխարհին սիրով վրեժխնդիր լինելու արվեստը։
Ներկայացումը Ֆրանս-հայկական համատեղ ծրագիր է: Բեմադրության հեղինակը Ֆրանսիայում հայտնի պարուսույց Մուրադ Մերզուկին է։ Գաղափարի հեղինակը Ֆրանսիայում գործող «Սաթէ–Աթղը» թատերական միության գեղարվեստական ղեկավար Սաթէ Խաչատրյանն է։ Ի դեպ 7 պարողներից 2-ը հրավիրավծ են Հայաստանից։
Նռան գույնը ներկայացման առաջնախաղին ներկա էին հայ և ֆրանսիացի բարձրաստիճան քաղաքական գործիչներ։ Դահլիճը լեփ լեցուն էր։
Ու հենց Ներկայացման առաջնախաղի օրը, Լիոնում կայացավ Զավեն Սարգսյանի լուսանկարների ֆոտոցուցահանդեսը, որոնք ներառում են Սերգեյ Փարաջանովի դիմանկարները, կոլաժները, «Նռան գույնը» ֆիլմի զգեստների էսքիզներ։ Ցուցահանդեսը կգործի Տոբոգան թատրոնում մինչև փետրվարի 4-ը:
