Հունգարիայի վարչապետի գրասենյակի ղեկավար Գերգելի Գույաշը կառավարության ճեպազրույցում ասել է, որ պետական հաստատությունների գրասենյակներում ջերմաստիճանի սահմանափակումներ են մտցվել, որոնք արգելում են դրանք տաքացնել 18°C-ից բարձր ջերմաստիճանում։ Այս մասին հայտնում է տեղական թերթը։
«Բոլոր պետական հիմնարկներում կկիրառվեն ջեռուցման սահմանափակումներ, որոնց համաձայն ՝ գրասենյակները չեն կարող 18 աստիճանից ավելի տաք լինել»,- նշել է նա։
Նա նաև շեշտել է, որ նման տարածքներում, բացառությամբ հիվանդանոցների և սոցիալական հաստատությունների, նախատեսվում է գազի սպառումը նվազեցնել 25%-ով։
Ավելի վաղ Հունգարիայի տեխնոլոգիայի և արդյունաբերության նախարար Լասլո Պալկովիչը հայտարարել էր, որ երկիրը ակնկալում է նվազեցնել կախվածությունը ռուսական գազից։ Նրա խոսքով, ներկայումս հանրապետությունում էներգիայի վերջնական սպառման 35-40 տոկոսն ապահովում է բնական գազը։ Իշխանությունները մտադիր են կրճատել գազով ջեռուցման տեսակարար կշիռը տնային տնտեսությունների և պետական հատվածի համար։
