Գազի բորսայական գինը առուվաճառքի բացման ժամանակ գերազանցել է հազար խորանարդ մետրի դիմաց 1950 դոլարի մակարդակը։ Այս մասին վկայում են ICE Futures կայքի տվյալները։
Նիդեռլանդների TTF հանգույցում օգոստոսյան ֆյուչերսների գինը աճել է 2,5%-ով ՝ հասնելով 181 եվրոյի 1 ՄՎտ/ժ-ի դիմաց կամ 1954 դոլար հազար խորանարդ մետրի դիմաց․ հաշվի առնելով ընթացիկ փոխարժեքը Forex շուկայում։ Հուլիսի 13-ից ի վեր սա առաջին անգամն է:
Երկուշաբթի օրը Եվրոպայում գազի արժեքը սկսեց կտրուկ աճել, երբ «Գազպրոմը» հայտարարեց, որ հուլիսի 27-ից կդադարեցնի հերթական տուրբինը «Հյուսիսային հոսք» գազատարի «Պորտովայա» կոմպրեսորային կայանում։ Պոմպային ծավալը պետք է կրկնակի կրճատվի ՝ 67 մլն-ից հասնելով 33 մլն խմ-ի օրական:
Ավելի վաղ DPA գործակալությունը հայտնել էր, որ ԵՄ երկրներին հաջողվել է համաձայնության գալ բլոկում գազի սպառումը նվազեցնելու ծրագրի շուրջ ՝ ապագայում Ռուսաստանից գազի մատակարարումների հավանական դադարեցումից վնասը նվազեցնելու համար:
JavaScript seems to be disabled in your browser. You must have JavaScript enabled in your browser to utilize the functionality of this website.
