ԴիջիԹեք էքսպո ցուցահանդեսն այս տարի ևս հարթակ էր տրամադրել գործարար կապերի հաստատման, նոր համագործակցությունների և ներդրումային հնարավորությունների ու գործիքակազմի ներկայացման համար: Կոնվերս Բանկը ներդրումային համալիր գործիքակազմով ներկայացել էր Digi Invest հարթակում։
Կոնվերս Բանկը շուկային է ներկայանում ներդրումային, խնայողությունների կառավարման տարբեր պրոդուկտներով և առաջարկներով, այդ թվում՝ թվային հարթակներում.
Converse Markets — արտոնյալ պայմաններով արտարժույթի փոխարկման առցանց հարթակ՝ նախատեսված բանկի իրավաբանական անձ հանդիսացող հաճախորդների համար:
Կորպորատիվ պարտատոմսերի թողարկում և տեղաբաշխում — Բանկը թողարկում և տեղաբաշխում է նաև գործընկեր ընկերությունների կորպորատիվ պարտատոմսեր՝ դրանով իսկ իր ներդրումն ունենալով տնտեսության և արժեթղթերի շուկայի զարգացման հարցում:
Ըստ որում, դեպոզիտար հաշիվ բացել և բանկի թողարկած պարտատոմսեր ձեռքբերել հնարավոր է նաև Converse Mobile հավելվածում:
Բրոքերային ծառայություններ, արժեթղթերի առք ու վաճառք — Բանկն առաջարկում է պետական և կորպորատիվ պարտատոմսեր, ընկերությունների բաժնետոմսեր, ինչպես նաև բրոքերային հաշիվների բացում և կառավարում:
