Չինաստանը հեղուկ գազի և ածխի ներկրումը Ռուսաստանից հասցրել է ռեկորդային ծավալի

Սեպտեմբերին Չինաստանը հեղուկ գազի և ածխի ներկրումը Ռուսաստանից հասցրել է ռեկորդային ծավալի։ գրում է Bloomberg-ը: Նախորդ տարվա մոտ 900 հազարի և օգոստոսի 1,9 մլն տոննայի համեմատ՝ սեպտեմբերին Ռուսաստանից մետալուրգիական ածխի ներմուծումը հասել է մինչև 2,5 մլն տոննայի։ Մեկ երրորդով էլ աճել է հեղուկ գազի մատակարարումը՝ հասնելով 819 հազար տոննայի։ Դրան զուգահեռ Ռուսաստանից նավթի ներմուծումը սեպտեմբերին կազմել է 7,5 մլն տոննա՝ օգոստոսի 8,3 մլն և մեկ տարի առաջվա 6,1 մլն տոննայի դիմաց։ Եվ չնայած ռուսական էներգակիրների, ներառյալ՝ նավթամթերքի գնման ընդհանուր ծավալն անցյալ ամիս դանդաղել է մինչև 7,5 մլրդ դոլար՝ օգոստոսի 8,4 մլրդ դոլարի ռեկորդային ցուցանիշի համեմատ, այնուամենայնիվ, այս ցուցանիշը զգալիորեն գերազանցում է անցյալ տարվա 4,7 մլրդ դոլարը։