ԱՄՆ աշխատանքի դեպարտամենտի զեկույցի համաձայն սեպտեմբերին երկրում աշխատատեղերի թիվն ավելացել է 254,000-ով, իսկ գործազրկության մակարդակը 4.2%-ից նվազել է մինչև 4.1%:
Եվրագոտու երկրներում գնաճը սեպտեմբերին 2021թ.-ից ի վեր առաջին անգամ նվազել է 2%-ից, ինչը ենթադրում է, որ հոկտեմբերին կայանալիք նիստին Եվրոպական կենտրոնական բանկը կկրճատի վերաֆինանսավորման տոկոսադրույքը։
ԱՄՆ ծառայությունների ոլորտի ակտիվությունը սեպտեմբերին հասել է վերջին մեկուկես տարվա առավելագուն մակարդակին։
Ըստ Մատակարարումների կառավարման ինստիտուտի (ISM)՝ ոչ արդյունաբերական հատվածի PMI ինդեքսը սեպտեմբերին կազմել է 54.9՝ ամենաբարձր ցուցանիշը 2023թ.-ի փետրվարից ի վեր։
Մերձավոր Արևելքում տեղի ունեցող կոնֆլիկտային իրադարձությունների ֆոնին Brent տեսակի նավթի գինը գրանցել է առավելագույն մեկշաբաթյա աճը (8%) վերջին 2 տարիների ընթացքում։
ԱՄՆ պետական պարտքը նոր ֆինանսական տարվա մեկնարկին ընդառաջ 2 օրվա ընթացքում աճել է մոտ 350 միլիարդ դոլարով։
Արժույթի միջազգային հիմնադրամից նշել են, որ մինչև 2032թ.-ը ԱՄՆ պետական պարտքը կգերազանցի ՀՆԱ-ի 140%-ը։
Մեկնաբանություն