![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2022/10/photo5386614851998173002.jpg)
Իսրայելը ևս լուրջ ներդրում է ունեցել Ադրբեջանի հաղթանակի մեջ, սակայն այն չի կարողացել ամբողջությամբ կապիտալիզացնել Թուրքիայի պատճառով: Այժմ, երբ թուրք-իսրայելական հարաբերություններն ակտիվ վերականգնվում են, Իսրայելի շանսերը մեծանում են, հատկապես, որ տարածաշրջանում Իսրայելի նպատակները որևէ կերպ չեն խանգարում Թուրքիային, դրանք ուղղված են գլխավորապես Իրանի դեմ:
Իրանում այս զարգացումներին բավականին ուշադիր են հետևում, և փորձում են խոչընդոտել տարածաշրջանում Իսրայելի ներկայության ընդլայնմանը: Պատահական չէ, որ վերջին զորավարժությունները իրենց մեջ շատ հստակ ուղերձ էին պարունակում ուղղված Ադրբեջանին և Իսրայելին:
Իսրայելի և Իրանի միջև հարաբերությունների բնույթը հաշվի առնելով, ինչպես նաև հաշվի առնելով այն հանգամանքը որ Իսրայելում արդեն տևական ժամանակ է չեն բացառում, որ առանց Միացյալ Նահանգների ներգրավման անգամ կարող են պատերազմ սկսել Իրանի դեմ, Իսրայելի ներկայության մեծացումը կարող է դառնալ տարածաշրջանը ապակույանցնող լուրջ գործոն՝ անվտանգաիյին մարտահրավերներ առաջացնելով այդ թվում նաև հայաստանի համար:
Մեկնաբանություն