Ռուսական շուկան լքող Adidas ընկերության տեղը կարող է զբաղեցնել Yamal հագուստի բրենդը։ Այս մասին գրում է «Լենտա.ռու»-ն։ Ընկերության համահիմնադիր Ալեքսանդր Խուտորենկոյի խոսքով ՝ իրենց ապրանքանիշը պատրաստ է բավարարել միջին գների կատեգորիայի սպորտային հագուստով հետաքրքրվող սպառողների պահանջարկը։ Միաժամանակ Յամալը կարող է մեծացնել իր շրջանառությունը, եթե ռուսները ընտրություն չկատարեն հօգուտ չինական զանգվածային շուկայի։ Այս մասին հայտնում է «The Rambler»-ը։
«Պատրաստ ենք կարել, կարել, կարել։ Մեզ չի հետաքրքրում, թե ում տեղը կզբաղեցնենք, գլխավորը զբաղեցնելն է։»,- ասել է ձեռնարկատերը։
Հիշեցնենք, որ Ուկրաինայում հատուկ գործողության մեկնարկից հետո արտասահմանյան բազմաթիվ բրենդներ դադարեցրել են իրենց գործունեությունը Ռուսաստանում։ Բացի Adidas-ից, խանութներ են փակել Hermes, Louis Vuitton, Mango, Asos, Nike, Puma եւ այլ խոշոր ընկերություններ։Միևնույն ժամանակ, արդյունաբերության և առևտրի նախարարությունում հայտարարել են, որ Ռուսաստանում սպորտային ապրանքների պակաս չեն ակնկալում։ Նրանք մանրամասնել են, որ Ռուսաստանի Դաշնությունում սպորտի համար նախատեսված ապրանքների մոտ 70%-ն արտադրվում է երկրում։
