Ինչպես ունենալ ճիշտ փոխհարաբերություններ աշխատակիցների հետ. Բիզնես նախաճաշ Մանթաշյանց գործարարների միությունում Թե ինչպես հաջողության հասնել բիզնեսում, և թե ինչպես ունենալ ճիշտ փոխհարաբերություններ աշխատակիցների հետ։ Մանթաշյանցի գործարարներն այս հարցերի պատասխանները ստանում են ամենաօգտակար Բիզնես նախաճաշի ժամանակ։ Կամուրջ՝ հոգեբանության և բիզնեսի միջև գործարարների համար։ Հուզականությունն ու տագնապային վիճակները խանգարում են աշխատակիցներին՝ աշխատավայրում արդյունքներ գրանցելու համար․ ասում է կառավարման հոգեբանը և նշում, որ նմանատիպ հավաքույթների շնորհիվ բիզնեսմենները կարողանում են ավելի լավ ընկալել թիմային աշխատանքի գաղտնիքները։ Հետաքրքիր զրույցներ, հարցեր, ընկերական միջավայր և օգտակար խորհուրդներ։ Գործարարները հավաստիացնում են, որ քննարկումների շնորհիվ ձեռք են բերում նոր ընկերներ ։ Նոր գործակցությունների գաղափարներն էլ քննարկում են հենց այստեղ։ Մանթաշյանց գործարարների միության անդամները տպավորված են նաև այս միջոցառումից։ Ասում են, որ բիզնես նախաճաշերի ժամանակ ձեռք են բերում նոր հմտություններ։ Վստահ են՝ նման նախաձեռնությունների օգնությամբ իրենց բիզնեսում առաջընթաց կգրանցվեն։ Տպավորություններով լցված ու նոր գիտելիք ստացած բիզնեսմենները շտապում են աշխատավայր՝ աշխատակիցների հետ բուռն քննարկում կազմակերպելու համար։ Վստահ են՝ այսօրվա ստացած գիտելիքները կնպաստեն բիզնեսը զարգացնելուն։   https://www.youtube.com/watch?v=VjBgPK7C3jo