NASA-ի մասնագետները հաղորդել են Տիեզերքում Swift J1913.1 + 1946 կոչվող գամմա ճառագայթման ռեկորդային պայթյունի մասին, որը տեղի է ունեցել 2022 թվականի հոկտեմբերի 9-ին,- ասվում է NASA-ի պաշտոնական կայքում: Գամմա ճառագայթների պոռթկումը ֆիքսվել է Չիլիում գտնվող Gemini South աստղադիտակով: Swift J1913.1+1946-ը ռենտգենյան պոռթկում է: Ի սկզբանե, շնորհիվ փայլի ուժի և պայծառության, գիտնականները որոշեցին, որ բռնկման աղբյուրը գտնվում է Երկրի մոտ, սակայն իրադարձության ավելի մանրամասն վերլուծությունը ցույց տվեց, որ տիեզերական ճառագայթման հզոր հոսքը Արեգակնային համակարգ է եկել նետ համաստեղությունից, իսկ նրա աղբյուրը գտնվում է Արեգակնային համակարգից 1,9 միլիարդ լուսատարի հեռավորության վրա։
Գիտնականների կարծիքով ՝ բռնկումը կարող է լինել հսկայածավալ աստղի մահվան և այն սև խոռոչի վերածվելու հետևանք: Գիտնականները մտադիր են շարունակել ուսումնասիրել այս երևույթը, որպեսզի հասկանան, թե ինչու է հեռավոր սև խոռոչի ծնունդը նման հզոր և պայծառ պոռթկում առաջացրել։
