Instagram սոցիալական ցանցը սկսել է Հնդկաստանում և Բրազիլիայում արհեստական ինտելեկտի ալգորիթմների (AI) միջոցով տեսասելֆիներից օգտատերերի տարիքը ստուգելու նոր մեթոդի փորձարկում։ Այս մասին հայտնում է TechCrunch-ը։Նշվում է, որ երկրներն ընտրվել են շնորհիվ այն բանի, որ դրանք, բացի ԱՄՆ-ից, ծառայության ևս երկու առանցքային շուկաներ են։ Ընդհանուր առմամբ, Հնդկաստանում և Բրազիլիայում ամսական մոտ 400 միլիոն ակտիվ օգտվող կա, ըստ Sensor Tower-ի վերլուծական ընկերության:
Instagram-ը հավելել է, որ նախատեսում է նաև գործարկել AI-ի օգնությամբ տարիքի ստուգման ծրագիր Մեծ Բրիտանիայում և ԵՄ-ում մինչև 2022 թվականի վերջ:Տարիքի ստուգումն իրականացվում է բրիտանական Yoti ստարտափի տեխնոլոգիայի միջոցով։ Օգտատերը վիդեո սելֆի է անում, իսկ հետո ընկերության AI-ն որոշում է տարիքը։ Ե՛վ Instagram-ը, և՛ Yoti-ն պնդում են, որ իրենք չեն պահպանում օգտատերերի տվյալները ստուգումից հետո, և որ համակարգը որևէ վտանգ չի ներկայացնում տվյալների գաղտնիության համար։
Ավելի վաղ Instagram սոցիալական ցանցը հայտարարել էր օգտատերերի մեծ թվով բողոքների պատճառով նոր ամբողջ էկրանով սնուցման համակարգի փորձարկման դադարեցման մասին։ Նրանք նկատել են, որ ծառայությունը սկսում է ավելի ու ավելի նմանվել TikTok-ին:
