Երեկվա Connect-ի շնորհանդեսում Meta-ն ցուցադրել է Ray-Ban խելացի ակնոցի նոր տարբերակը։
Ray-Ban Meta Smart Glasses-ը հասանելի է նախնական պատվերի համար և կառաքվի հոկտեմբերի կեսերին՝ սկսած $299-ից,- գրում է fintech.am-ը:
Ներկառուցված աուդիո համակարգի շնորհիվ գնորդները կարող են փոխարինել ականջակալները զանգերի և երաժշտության նվագարկման համար: Meta-ն դրանք համալրել է նաև հզոր միկրոֆոնային համակարգով. ակնոցների մեջ կա հինգ խոսափող։ Նախորդ տարբերակը՝ Ray-Ban Stories-ն ուներ միայն մեկ խոսափող, որն այդքան էլ որակյալ չէր, իսկ նորի բարձրախոսները 50%-ով ավելի բարձր են։
Խելացի ակնոցները հագեցած են 12 մեգապիքսել տեսախցիկով՝ 1080p որակով լուսանկարներ և տեսանյութեր անելու համար։ Նրանք նաև ստացել են 32 ԳԲ հիշողություն, որը կպահի մոտ 500 նկար և 100 հատ կես րոպեանոց տեսանյութ (սա առավելագույն տևողությունն է, որը սարքը կարող է ձայնագրել): Ակնոցները սինխրոնիզացված են Meta View հավելվածի հետ։
JavaScript seems to be disabled in your browser. You must have JavaScript enabled in your browser to utilize the functionality of this website.
