Լոնդոնի ֆոնդային բորսան և Microsoft-ը համատեղ AI մոդելներ կմշակեն Լոնդոնի ֆոնդային բորսան (LSEG) և Microsoft-ը հայտարարել են, որ միավորվել են և կգործակցեն տարբեր բանկերի հետ՝ մշակելու մասնագիտացված գեներատիվ AI մոդելներ,- գրում է fintech.am-ը: Դրանք կօգնեն ընկերություններին կառավարել ռիսկերը, մշակել առևտրային ռազմավարություններ, բարելավել անվտանգությունը, ինչպես նաև կնպաստեն ավելի կայուն շուկայի ստեղծմանը: Մշակվող «մասնագիտացված լեզվական մոդելները» կօգտագործեն բանկերը «մեծ քանակությամբ գաղտնի տեղեկատվության և առևտրային ռազմավարությունների մշակման համար» ասել է LSE Group-ի գործադիր տնօրեն Դեյվիդ Շվիմերը: Ֆինանսական հաստատությունները շահագրգռված են ստեղծել «բացառիկ և հարմարեցված AI մոդելներ»՝ ապահովելու, որ իրենց տվյալները այլ համակարգերում չօգտագործվեն: