Եվրահանձնաժողովն աշխատում է Եվրոպայում էլեկտրաէներգիայի գների իջեցմանն ուղղված միջոցառումների վրա։ Այս մասին հայտարարել է կազմակերպության ղեկավար Ուրսուլա ֆոն դեր Լեյենը ՝ Բլեդում (Սլովենիա) ռազմավարական ֆորումում ունեցած ելույթի ժամանակ։
«Եվրահանձնաժողովն աշխատում է այս շուկայում միջամտելու արտակարգ միջոցառումների և դրա կառուցվածքային բարեփոխումների վրա: Մեզ անհրաժեշտ է էլեկտրաէներգիայի շուկայի նոր մոդել, որն իսկապես կաշխատի և կվերադարձնի մեզ հավասարակշռության»,- ասել է Եվրահանձնաժողովի ղեկավարը։
Նրա խոսքով, եվրոպական երկրների իշխանություններն աշխատում են նաև միջոցառումների վրա, որոնք պետք է սահմանափակեն գազի գինը տարածաշրջանում։
Նա հավելել է, որ անհրաժեշտ է վերջ տալ եվրոպական երկրների կախվածությանը Ռուսաստանից գազի մատակարարումներից։Օգոստոսի 28-ին Միջազգային գործընկերության Եվրոպական հանձնաժողովի գլխավոր տնօրինությունը որոշել է 10 մլն եվրո հատկացնել Տաջիկստանում էներգետիկ ոլորտին աջակցելու ծրագրերի իրականացման համար։ Նրանք նաև հավելել են, որ հատկացված միջոցները, մասնավորապես, պետք է օգնեն էներգետիկայի և ջրային ռեսուրսների նախարարության, «Բարքի Տոջիկ» պետական էներգետիկ ընկերության և Տաջիկստանի հակամենաշնորհային ծառայության էլեկտրաէներգիայի կարգավորման բաժնի կարողությունների և արդյունավետության զարգացմանը։
