Brexit-ից հետո Բրիտանիան դարձել է «կղզիացված երկիր»․ Washington Post The Washington Post-ի սյունակագիր Ֆարիդ Զաքարիան իր հոդվածում նշել է, որ Brexit-ից հետո Մեծ Բրիտանիան դարձել է «կղզի ազգ» ՝ առանց քաղաքական կշռի։ Ըստ Զաքարիայի ՝ Եվրամիությունից Մեծ Բրիտանիայի դուրս գալուց հետո երկրի տնտեսությունը սկսեց հետ մնալ իր մրցակիցներից գրեթե բոլոր ցուցանիշներով ՝ բիզնես ներդրումներից մինչև արտահանում և զբաղվածություն։ «Մեծ Բրիտանիան դարձել է միջին կղզու պետություն ՝ մեկուսացված Եվրոպայի ափերից, չունենալով բավականաչափ կշիռ ՝ անկախ նշանակություն ունենալու կամ գործընկերների հետ հարաբերություններում օրակարգ սահմանելու համար»,- գրում է դիտորդը։ Նա ընդգծել է, որ բրիտանացիներն այնպիսի զգացում ունեն, որ իրենց խաբել են։ Համաձայն վերջին սոցհարցման ՝ Մեծ Բրիտանիայի բնակիչների մեծամասնությունը կարծում է, որ ԵՄ-ից դուրս գալը վատ գաղափար էր։ Ավելի վաղ Bloomberg-ը գրել էր, որ Մեծ Բրիտանիան տարեկան 124 միլիարդ դոլար է կորցնում Եվրամիությունից երկրի դուրս գալու պատճառով։