Բելառուսի իշխանությունները վերսկսել են ալյուրի և հնդկաձավարի արտահանման արգելքը Բելառուսի կառավարությունը վերսկսել է հանրապետությունից ցորենի ալյուրի և հնդկաձավարի արտահանման արգելքը։ Այս մասին հայտնում է կառավարության մամուլի ծառայությունը Telegram-ի իր ալիքում։ Հաղորդագրության մեջ ասվում է, որ արգելքը գործելու է երեք ամիս, և այն ներդրվել է ներքին շուկան պաշտպանելու նպատակով։ Երկրից արտահանման արգելքը վերաբերում է փափուկ ցորենից և հնդկաձավարից ստացված ալյուրին, կեղևավորված հնդկացորենի հացահատիկին և հնդկաձավարից պատրաստված սննդամթերքին։Հունիսի 4-ին Բելառուսի Վիտեբսկի մարզի իշխանությունները հանել են Լիտվա և Լատվիա մեկնող քաղաքացիների համար սննդամթերքի արտահանման արգելքը մինչև 2022 թվականի վերջ։ Գրոդնոյի շրջանի վարչակազմը թույլ է տվել նաև ապրանքների արտահանումը երկրից առանց սահմանափակումների մինչև այս տարվա վերջ։ Ավելի վաղ Բելառուսը պատասխան արգելք էր սահմանել ԵՄ երկրներում գրանցված մեքենաների և տրակտորների ՝ Եվրասիական տնտեսական միության մաքսային սահմանով հանրապետություն տեղափոխելու համար։