Արժույթի միջազգային հիմնադրամի (ԱՄՀ) գործադիր տնօրեն-կառավարչի առաջին տեղակալ Գիտա Գոպինաթը հայտարարել է Հայաստանից Ռուսաստան արտահանման հնգապատիկ աճի մասին,- գրում է banks.am-ը:
Ինչպես հաղորդում է ՏԱՍՍ-ը, ելույթ ունենալով Բեռլինում՝ Համաշխարհային տնտեսագիտության գերմանական ինստիտուտի մրցանակ ստանալու կապակցությամբ, Գիտա Գոպինաթը նշել է, որ աշխարհում ավելի ու ավելի ակնհայտ է դառնում «աշխարհատնտեսական մասնատումը»:
Խոսելով համաշխարհային առեւտրում փոփոխությունների մասին՝ նա նշել է, որ «մատակարարման շղթաներն երկարում են, քանի որ առեւտուրը շարժվում է հարեւան երկրներով՝ հաճախ առանց ծագման եւ վերջնական նպատակակետի երկրի փոփոխության»։
«Վերցնենք, օրինակ, Ռուսաստանը։ ԵՄ հարեւան երկրներից ու Ուկրաինայից արտահանումը կտրուկ նվազել է, իսկ հարեւան երկրներից, այդ թվում՝ Չինաստանից ու Ղազախստանից, կրկնապատկվել է։ Հայաստանի դեպքում արտահանման աճը հնգապատկվել է»,- նշել է ԱՄՀ գործադիր տնօրեն-կառավարչի առաջին տեղակալը։
Մեկնաբանություն