Խոշորագույն տեխնոլոգիական կորպորացիաները լքում են գրասենյակային տարածքները Մեծ Բրիտանիայում և Եվրամիությունում ՝ մայրցամաքում տնտեսական խնդիրների, եկամուտների անկման և աշխատանքից ազատվելու պատճառով: Այս մասին հինգշաբթի հայտնել է Financial Times (FT) թերթը ՝ վկայակոչելով իրավիճակին ծանոթ աղբյուրներ։
Նրանց տվյալներով ՝ ամերիկյան Alphabet, Meta և Salesforce ընկերությունները հրաժարվում են գրասենյակային տարածքներ վարձակալել Լոնդոնում և Դուբլինում։ Նման որոշումը պայմանավորված է, մասնավորապես, այն հանգամանքով, որ շատ աշխատակիցներ անցել են հեռավար աշխատանքի ՝ կորոնավիրուսային համաճարակի պայմաններում և ակնկալում են պահպանել այս ձևաչափը։Ինչպես նշում է թերթը, սա հարված էր տանտերերի շահերին, որոնք «արդեն բախվել են 2008 թվականի ֆինանսական ճգնաժամից հետո ամենամեծ խնդիրների հետ»։
«Գրասենյակային արժեքները ընկնում են Ատլանտյան օվկիանոսի երկու կողմերում, քանի որ տնտեսական հեռանկարները գնալով ավելի մռայլ են դառնում»,- ասվում է հոդվածում։Պարբերականը հայտնում է նաև, որ Google-ը ծրագրում է հաջորդ տարի թողնել Լոնդոնի իր գրասենյակներից առնվազն մեկը ՝ Belgrave House: Ընկերությունը հրաժարվել է մեկնաբանել այս հարցը։
