Այս տարեսկզբին Հայաստանում տնտեսական ակտիվության աճի հիմնական շարժիչ ուժը արդյունաբերության ոլորտն էր։ Այս մասին ասվում է Եվրասիական զարգացման բանկի (ԵԱԶԲ) մակրոտնտեսական տեսության հերթական համարում։
«2024 թվականի սկզբին Հայաստանի տնտեսության աճի տեմպերն արագացան։ Հունվար-փետրվարին տնտեսական ակտիվության ցուցանիշը տարեկան կտրվածքով աճել է 13.6%-ով։ Հիմնական շարժիչ ուժը եղել է արդյունաբերության ոլորտը (+28,9% հունվար–փետրվարին), մեր հաշվարկներով ապահովելով մոտ 5,5 տոկոսային կետի ներդրում տնտեսական ակտիվության ցուցանիշում»,- ասվում է ուսումնասիրության մեջ։
Նշվում է, որ արդյունաբերության, առևտրի, ծառայությունների և շինարարության ոլորտների ներդրումը գործարար ակտիվության մեջ դրական է եղել՝ որոշ ոլորտներում աճը կենտրոնացմամբ։
«Արդյունաբերության և առևտրի աճը (+24,1% հունվար–փետրվարին) հիմնականում ապահովվել է թանկարժեք մետաղների վերամշակման և ոսկու արտադրանքի արտաքին առևտրի բազմակի աճով, իսկ ծառայությունների դինամիկան (+5,2% հունվար–փետրվարին) պայմանավորված է եղել ֆինանսական ակտիվության ծավալների աճով (+16,5%ն հունվար–փետրվարին)»,– պարզաբանում են ԵԱԶԲ վերլուծաբանները։
Հաշվետվության մեջ նաև նշվում է, որ հանքարդյունաբերության արտադրանքն աճել է առաջին անգամ վերջին երկու տարվա ընթացքում (+3,9% փետրվարին):
Միևնույն ժամանակ, ինչպես ասվում է ուսումնասիրության մեջ, արդյունաբերական մյուս առանցքային ոլորտներում դինամիկան դանդաղել է 2022-2023 թվականների բարձր ցուցանիշներից հետո։
«Հունվար-փետրվարին ոսկերչական իրերի արտադրության աճը տարեկան կտրվածքով 11,8 անգամ փոխհատուցել է արդյունաբերության այլ ոլորտներում գրանցված անկումն ու դանդաղումը։ Շինարարության աճը (+10,8% հունվար–փետրվարին) կայուն է մնացել հիփոթեքային վարկավորման բարձր մակարդակի ֆոնին (փետրվարի դրությամբ +25,6% տարեկան կտրվածքով)։ Բնակչության վարկավորման ընդհանուր դինամիկան (փետրվարին +21,5% տարեկան կտրվածքով) և սպառողական գների անկումը երկրում աջակցել են ներքին պահանջարկին»,- նշվում է հաշվետվության մեջ։
Ըստ ՀՀ Ազգային վիճակագրական կոմիտեի տվյալների՝ 2024 թվականի հունվարMakroobzor_osnovnye-ekonomicheskie-pokazateli-փետրվարին արտադրված արդյունաբերական արտադրանքի ծավալը կազմել է 461,6 մլրդ դրամ՝ 2023 թվականի հունվար-փետրվարի համեմատ ավելանալով 28,9%-ով, շինարարության ոլորտը նույն ժամանակահատվածում աճել է 10,8%-ով՝ մինչև 41,6 մլրդ դրամ, ներքին առևտրաշրջանառությունը կազմել է 749,1 մլրդ դրամ՝ 24,3 տոկոս աճով, իսկ ծառայությունների ոլորտն աճել է 5,2 տոկոսով՝ մինչև 473,1 մլրդ դրամ։ ($1 — 391,46 դր.):
Ամբողջական ուսումնասիրությունը՝ այստեղ
