Հայաստանի սպառողական շուկայում 12-ամսյա գնաճը (2023թ. սեպտեմբերը 2022թ. սեպտեմբերի նկատմամբ) կազմել է 0.1%, իսկ նախորդ ամսվա նկատմամբ՝ 0.9%:
Վիճակագրական կոմիտեի կողմից հրապարակված տվյալների համաձայն 2023թ. սեպտեմբերին 2022թ. սեպտեմբերի համեմատ Հայաստանում արձանագրվել է սննդամթերքի եւ ոչ ալկոհոլային խմիչքի 3.1% գնանկում, իսկ 2023թ. օգոստոսի համեմատ՝ 1.4% գնաճ:
Բանջարեղենի ապրանքախմբում 2023թ. սեպտեմբերին 2022թ. սեպտեմբերի համեմատ արձանագրվել է 6.6%, իսկ 2023թ. օգոստոսի համեմատ՝ 14.9% գնաճ:
Մրգի ապրանքախմբում 2023թ. սեպտեմբերին 2022թ. սեպտեմբերի համեմատ գրանցվել է 0.4% գնանկում, իսկ 2023թ. օգոստոսի համեմատ՝ 2.4% գնաճ:
Հացաբուլկեղենի եւ ձավարեղենի ապրանքախմբում 2023թ. սեպտեմբերին 2022թ. սեպտեմբերի համեմատ գրանցվել է 8.3%, իսկ 2023թ. օգոստոսի համեմատ՝ 0.2% գնանկում:
Կաթնամթերքի, պանրի եւ ձվի ապրանքախմբում 2023թ. սեպտեմբերին 2022թ. սեպտեմբերի համեմատ գնաճը կազմել է 1.6%, իսկ 2023թ. օգոստոսի համեմատ՝ 0.1%:
Շաքարի եւ շաքարավազի ապրանքախմբում 2023թ. սեպտեմբերին 2022թ. սեպտեմբերի համեմատ արձանագրվել է 8.1%, իսկ 2023թ. օգոստոսի համեմատ՝ 4.2% գնանկում:
2023թ. սեպտեմբերին 2022թ. սեպտեմբերի համեմատ մսամթերքի ապրանքախմբում գրանցվել է 0.5%, իսկ 2023թ. օգոստոսի համեմատ՝ 0.4% գնանկում։
2023թ. սեպտեմբերին 2022թ. սեպտեմբերի համեմատ ձկան եւ ծովամթերքի ապրանքախմբում գնանկումը կազմել է 4.4%, իսկ 2023թ. օգոստոսի համեմատ՝ 0.4%։
Յուղերի եւ ճարպերի ապրանքախմբում 2023թ. սեպտեմբերին 2022թ. սեպտեմբերի համեմատ գնանկումը կազմել է 21%, իսկ 2023թ. օգոստոսի համեմատ գների փոփոխություն չի արձանագրվել:
2023թ. սեպտեմբերին 2022թ. սեպտեմբերի համեմատ ոչ պարենային ապրանքների շուկայում գների մակարդակը մնացել է անփոփոխ, իսկ 2023թ. օգոստոսի համեմատ արձանագրվել է 0.6% գնաճ:
Բնակչությանը մատուցված ծառայությունների ոլորտում 2023թ. սեպտեմբերին 2022թ. սեպտեմբերի համեմատ սակագներն աճել են 3.2%-ով, իսկ 2023թ. օգոստոսի համեմատ`0.5%-ով:
Մեկնաբանություն