ԱՄՆ-ի պետական պարտատոմսերում Ռուսաստանի ներդրումների ծավալը 2022 թվականի նոյեմբերին նախորդ ամսվա համեմատ աճել է 58 մլն դոլարով,- ասվում է ԱՄՆ գանձապետարանի հրապարակված փաստաթղթերից:
ԱՄՆ-ի պետական պարտատոմսերում Ռուսաստանի ներդրումների ծավալը 2022 թվականի նոյեմբերին կազմել է 2,092 մլրդ դոլար։ Հոկտեմբերին այս ցուցանիշը կազմել է 2,034 մլրդ դոլար, սեպտեմբերին ՝ 2,015 մլրդ դոլար, ընդհանուր առմամբ 2022 թվականի մարտից այն պահվում է 2 մլրդ դոլարից մի փոքր բարձր մակարդակի վրա։ 2022 թվականի փետրվարին Ռուսաստանի Դաշնության ներդրումների ծավալը ԱՄՆ պետական արժեթղթերում կազմել է 3,753 միլիարդ դոլար, հայտնում է ՏԱՍՍ-ը։ 2022 թվականի նոյեմբերին ռուսական ներդրումներում երկարաժամկետ պարտատոմսերը կազմել են 80 միլիոն դոլար (հոկտեմբերին ՝ 25 միլիոն դոլար), կարճաժամկետ պարտատոմսերը ՝ 2,012 միլիարդ դոլար (2022 թվականի հոկտեմբերին՝ 2,009 միլիարդ դոլար):
Ճապոնիան մնաց ԱՄՆ պետական արժեթղթերի ամենամեծ սեփականատերը 2022 թվականի նոյեմբերին (մոտ 1,08 տրլն դոլար՝ հոկտեմբերի 1,06 տրլն դոլարի դիմաց): Երկրորդ տեղում Չինաստանն է՝ 870 միլիարդ դոլարով (877,8 միլիարդ դոլար հոկտեմբերին), երրորդում ՝ Բրիտանիան ՝ 645,8 միլիարդ դոլարով (641,3 միլիարդ դոլար ՝ հոկտեմբերին): Հիշեցնենք, որ 2022 թվականի դեկտեմբերին ԱՄՆ բյուջեի դեֆիցիտը կազմել է 85 միլիարդ դոլար։
