Եվրոպական բանկը Ուկրաինային 300 մլն եվրո կտրամադրի ենթակառուցվածքների վերանորոգման համար Ուկրաինան Վերակառուցման և զարգացման եվրոպական բանկից (ՎԶԵԲ) կստանա 300 մլն դոլար ՝ ենթակառուցվածքները վերականգնելու համար,- ասել է «Ուկրեներգո»-ի ղեկավար Վլադիմիր Կուդրիցկին, փոխանցում է «ՌԻԱ Նովոստին»։ Սոցցանցերում Կուդրիցկին կիսվել է, որ ՎԶԵԲ-ի ղեկավար Օդիլ Ռենո-Բասոն և Ուկրաինայի վարչապետ Դենիս Շմիհալը Փարիզում, ինչպես նաև ինքը Կիևում առցանց ստորագրել են անհրաժեշտ փաստաթղթերը։ Դրանք «թույլ կտան մեզ հավաքել 300 միլիոն եվրո՝ բարձրավոլտ ենթակառուցվածքների վերականգնման և մեր ընկերության ֆինանսական կայունությունը բարձրացնելու համար»։ «Ուկրեներգո»-ն նախատեսում է այդ միջոցների կեսն օգտագործել վերանորոգման համար անհրաժեշտ սարքավորումներ ձեռք բերելու համար։ Մնացած մասը պետք է օգտագործվի «Ուկրէներգո»-ի ֆինանսական պարտավորությունները կատարելու և էլեկտրաէներգիայի շուկայի կայուն գործունեությունը պահպանելու համար։