Մանկական հոգեբանները սարսափած են. ChatGPT-ին ավելի մոտ է մեր երեխաներին, քան կարելի է պատկերացնել. մանրամասները՝ ABNews.am կայքում
ՀՀ առաջատար կառուցապատողները հատուկ առաջարկներով են ներկայացել TOON EXPO MOSCOW 2025-ին. դիտեք ABNews.am կայքում
ԵԱՏՄ անդամ երկրների ՀՆԱ-ն մեկ տարվա ընթացքում աճել է գրեթե 4,5%-ով. Լուկաշենկո
Իսրայելի և Իրանի միջև հակամարտությունից կրած վնասը գնահատվում է 3 մլրդ ԱՄՆ դոլար. Bloomberg
Ինչպես հարստանալ՝ Ozon Հայաստան հարթակում մեղր վաճառելով. մանրամասները՝ ABNews.am կայքում
Գերմանիան 26 մլն եվրոյի վարկ և 2 մլն եվրոյի դրամաշնորհ կտրամադրի Հայաստանին
ՌԴ ԿԲ-ն առաջարկել է թվային ռուբլու ներդրումը 2025-ի հուլիսի 1-ի փոխարեն տեղափոխել 2026-ի սեպտեմբերի 1-ին
«Նաիրիտ»-ի ապամոնտաժման և տարածքի մաքրման համար տրամադրվել է $1.5 մլն դրամաշնորհ Համաշխարհային բանկից
Moody’s-ը հաստատել է Հայաստանի Ba3 վարկանիշը՝ «կայուն» հեռանկարով և 5% տնտեսական աճի կանխատեսմամբ
ԱրարատԲանկը 2024թ․-ին ՄՓՄՁ ոլորտի ֆինանսավորմանն ուղղել է ավելի քան 12 մլրդ ՀՀ դրամ. մանրամասները՝ ABNews.am կայքում
Երեք եղանակ, որոնցով գործատուները կարող են թիմերն ավելի արդյունավետ դարձնել. մանրամասները՝ ABNews.am կայքում
ԵԱՏՄ երկրների համախառն ՀՆԱ-ն աճել է՝ 1.6 տրիլիոնից հասնելով 2.6 տրիլիոն դոլարի. Վլադիմիր Պուտին
Մեկ օրում բացահայտվել է հանցագործության 99 դեպք. գրանցվել է 12 ավտովթար, վիրավորվել է 18 մարդ
Ռուսաստանի վարկային քարտերի ընդհանուր պարտքը հասել է 575.9 միլիարդ ռուբլու. Forbes
Հայաստանում առաջին անգամ անցկացվել է շրջանաձև տնտեսության միջազգային ֆորում. դիտեք ABNews.am կայքում
Կառավարությունը լուծարեց Սյունիքի մարզի Լիճքի միջնակարգ դպրոցը. գյուղում 0-ից 6 տարեկան երեխա չկա
21 անհայտ կորած զինծառայողների ընտանիքները ևս 2 ամիս կստանան 300,000-ական դրամի աջակցությունը
Հունիսին ծիրանով բեռնված 626 մեքենա է անցել ՌԴ, իսկ կոնյակով բեռնված՝ 7 մեքենա մեկ օրում. Գևորգ Պապոյան
Հօգուտ ՀՀ-ի կփոխանցվի շուրջ 227 հազար դոլարին համարժեք 87 միլիոն 622 հազար դրամ. դատախազություն
IDBank-ի ներկայացուցիչը միացել է Trade Finance Global-ի խմբագրական խորհրդին. մանրամասները՝ ABNews.am կայքում

Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը

Մրտ 25, 2024 10:12
125

Նոր պրոդուկտների ներդրումից մինչև հաճախորդների փորձառության բարելավմանը միտված քայլեր, պորտֆելի էական աճ և նոր ռազմավարություն. Կոնվերս Բանկի Կորպորատիվ բանկային ծառայությունների դեպարտամենտի տնօրեն Սարգիս Խաչատրյանի հետ զրուցել ենք նախորդ տարվա ցուցանիշների, հաջողությունների և 2024-ի ծրագրերի մասին:

  • Ի՞նչ ցուցանիշներով է 2023-ը ամփոփել Կոնվերս Բանկի Կորպորատիվ բանկային ծառայությունների դեպարտամենտը:

2023թին Կորպորատիվ բանկային ծառայությունների դեպարտամենտի գործունեությունը հիմնականում ուղղված է եղել ՓՄՁ ֆինանսավորման համար բարենպաստ միջավայրի զարգացմանը, լիզինգային ֆինանսավորման խթանմանը, ինչպես նաև կորպորատիվ վարկային պրոդուկտների վերանայմանն ու նոր պրոդուկտների ներդրմանը:

Թիմի ջանքերով 2023թ. վերջի դրությամբ՝ նախորդ տարվա նույն ժամանակահատվածի համեմատ, Բանկի կորպորատիվ վարկային պորտֆելն աճել է 18%-ով: 2023թ. լիզինգային ֆինանսավորման խմբի կազմավորման և Converse Leasing պրոդուկտի ներդրման շնորհիվ հատկապես տպավորիչ աճ է գրանցվել լիզինգի ֆինանսավորման ոլորտում:

Եթե դիտարկենք ըստ ոլորտների, ապա մեծ է հատկապես առևտրի, շինարարության և ծառայությունների ոլորտների ընկերությունների ֆինանսավորման ծավալը:

Վերը նշված ցուցանիշները վկայում են բիզնես գործընթացների արդյունավետության, Բանկի առաջարկների նկատմամբ պահանջարկի մասին: Ոչ պակաս կարևոր դերակատարում է ունեցել պոտենցիալ հաճախորդների հետ ամենօրյա շփումը, ֆինանսավորման հարցում ցուցաբերվող ճկունությունը և անհատական մոտեցումը:

  • Որո՞նք են Կոնվերս Բանկի սկզբունքներն ու արժեհամակարգը բիզնեսի ֆինանսավորման առումով:

Կոնվերս Բանկի համար բիզնեսի ֆինանսավորումն ինքնանպատակ չէ. մենք կատարում ենք ներդրում բիզնեսի կայացման և զարգացման համար, բացի ֆինանսավորումը՝ տալով անհրաժեշտ խորհրդատվություն, աջակցելով բիզնեսի ֆինանսավորման լավագույն լուծումը գտնելու հարցում, հաճախորդների հետ անցնելով բիզնեսի կայացման ու զարգացման ողջ ճանապարհը, անհրաժեշտության դեպքում կիսելով պատասխանատվությունն ու ռիսկերը:

Մեր հաճախորդներին առաջարկում ենք շուրջօրյա հասանելիություն սպասարկող մենեջերների հետ, աջակցություն, ճկուն մոտեցումներ:

Կարևորում ենք նաև հենց հաճախորդի նախընտրելի միջավայրում սպասարկումը՝ բացի Բանկ այցելելուց առաջարկելով թվային գործիքակազմ, ինչպես նաև տարբեր պրոդուկտների շրջանակում ֆինանսավորում ստանալու հնարավորություն:

  • Ի՞նչ պրոդուկտներով և հնարավորություններով է ներկայանում Կոնվերս Բանկը շուկայում:

Կոնվերս Բանկն այսօր առաջարկում է լայն գործիքակազմ բիզնեսի ամենատարբեր ֆինանսական կարիքները հոգալու համար՝ սկսած տարբեր նպատակայնության և ժամկետայնության վարկավորումից մինչև լիզինգ, ակրեդետիվների թողարկում, միջազգային առևտրի ու գործարքների ֆինանսավորման լայն գործիքակազմ:

Բարեփոխումների ճանապարհին մենք իրականացրել ենք ծավալուն ուսումնասիրություն հաճախորդների շրջանում: Հավաքագրված տվյալների հիման վրա մշակվել է նոր թվային ռազմավարություն. մեր ծառայություններն ու դրանց մատուցման եղանակները լինելու են առավել նպատակային, անհատականացված և ուղղված հաճախորդների փորձառության բարելավմանը:

Մենք շարժվելու ենք բիզնեսի ֆինանսավորման թվային գործիքակազմի ընդլայնման ուղղությամբ, սակայն եթե հաճախորդը խորհրդատվության կամ անմիջական շփման կարիք ունենա, ապա նրան սիրով սպասելու ենք մասնաճյուղերում։

Ինչ վերաբերում է ներկայում գործող թվային լուծումներին, ապա այսօր հաջողությամբ գործում է Կոնվերս Բանկի բիզնես վարկերի առցանց հարթակը՝ sme.conversebank.am: Հարթակում 24/7 ռեժիմով իրավաբանական անձ և անհատ ձեռնարկատեր հաճախորդները կարող են դիմել վարկավորման համար ու սեղմ ժամկետներում ստանալ ներկայացված հայտի նախնական կարգավիճակ:

Արդեն մոտ մեկ տասնամյակ է հաջողությամբ գործում է նաև Converse Business հավելվածը, որի թարմացված տարբերակը հաճախորդներին ենք ներկայացրել վերջերս: Այն տնտեսվարողներին հնարավորություն է տալիս հարմարավետ միջավայրում շուրջօրյա կառավարել բիզնես ֆինանսներն ու իրականացնել տարատեսակ գործառնություններ:

Նշված երկու թվային լուծումն էլ պարբերաբար թարմացվում են, հարմարեցվում ժամանակի և հաճախորդների պահանջմունքներին:

Որո՞նք են լինելու Բանկի գործունեության հիմնական ուղղությունները 2024-ին և ի՞նչ ակնկալիքներ ունեք:

2024-ին մեր գործունեությունն ուղղված է լինելու թվային գործիքակազմի ընդլայնմանը, Բանկի՝ բիզնեսի ֆինանսավորման տեսանկյունից գրավչության բարձրացմանը: Քայլեր կձեռնարկվեն ֆինանսավորման գործող պայմանների բարելավման ուղղությամբ, ինչի շնորհիվ Կոնվերս Բանկը շուկայում հանդես կգա նոր մրցունակ պրոդուկտներով և առաջարկներով՝ հաճախորդներին տալով ֆինանսավորման լայն հնարավորություններ:

Կարծում եմ՝ փոփոխությունները դրական կընկալվեն հաճախորդների կողմից, ինչը կարտացոլվի 2024-ի արդյունքների վրա պորտֆելի աճի տեսքով: