Ապրիլի 27 և 28-ին կարիերայի քաղաքում տեղի ունեցավ լավագույն գործատուների փառատոնը, որտեղ Evoca-ն ծանոթացրեց իր մշակույթին, թիմին և ազատ աշխատատեղերին։ Career City Fest` լավագույն գործատուների փառատոնը ամենամյա միջոցառում է, որը մեկ հարթակում համախմբում է հարյուրավոր ընկերությունների և հազարավոր մարդկանց։ Այս տարի կարիերայի քաղաքում Evocabank-ն իր տաղավարում հյուրընկալեց մի շարք երիտասարդների, որտեղ նրանք հնարավորություն ստացան՝
Ծանոթանալ EvocaTeam-ին,
Ծանոթանալ ազատ աշխատատեղերին և թիմին միանալու հնարավորություններին,
Նկարվել #evocamood ֆոտոզոնայում՝ Voki-ի հետ,
Մասնակցել 14 հարցից բաղկացած Quiz-ին և շահել նվերներ
Հաղթողները 10-ն էին, որոնք նվեր ստացան գրքեր՝ ամենահետաքրքիր թեմաներով։ Միջոցառման ընթացքում տեղի ունեցան նաև պանելային քննարկումներ, որտեղ Evocabank-ի ՄՌԿ բաժնի ղեկավար Տաթև Վարդանյանը (Միջազգային որակավորված ՄՌԿ մասնագետ, SHRM ասոցիացիայի անդամ) կիսվեց մարդկային ռեսուրսների կառավարման ոլորտում իր 8 տարվա պրակտիկ փորձով, ներկայացրեց ՄՌԿ-ն ֆինանսաբանկային ոլորտում և խոսեց Բանկի մշակույթի ու EvocaTeam-ի մասին։ Կարևորելով շարունակական կրթության և զարգացման դերը` Evocabank-ն ընձեռում է մի շարք հնարավորություններ և՛ նորավարտ ուսանողներին, և՛ փորձառու մասնագետներին՝ շարունակաբար սովորելու, զարգանալու և դառնալու ոլորտի առաջատար մասնագետներ:
